« المرآة** | HomePage | Ba3dak 3la Baly »
06/12/2006
وجهة نظر برده
وجهة نظر
كم هو مبدع الفنان محمد صبحي
الاسقاطات اللي في مسرحياته
تمس واقعنا
تعريه
تكشفه
كنت لسة بتفرج علي المسرحية الجميلة
وجهة نظر
ضحكنا كتير
لكن ما تعرضه المسرحية
يمس وضعنا الحالي
مؤسسة المكفوفين
دولة العميان
مسعود الطالب الجامعي
التي اعمته سياسة القمع
و المناهج الجامدة
الشيخ عبد الباري
ممثل التيارالديني
المتطرف المتزمت
عرفة الشواف
الكفيف المفكر
الذي يري الحقيقة
يلمس الفساد
و يسعي لكشفه
العامل البسيط رضوان
لا يعرف القراءة
فنعرف ان موظفي هذه المؤسسة يجب ان يكونوا من العميان
تشترط الجهل
صاحب المؤسسة
(رئيسها(
ليس علي دراية بما يحدث
تعميه اكاذيب معاونيه
عن كيف ان الجميع سعداء في المؤسسة
و ان اي معارضة
ما هي الا من شرذمة قليلة منفردة
انا لسة بتكلم عن المسرحية واخد بالك
الصحفي ينشر الاكاذيب
المعونة الامريكية التي يحصلون عليها
كله في المسرحية
الدور العلوي الذي يتمتع به العلية و الموالسين
بالتحف و السجاد و النجف
و التكييف و السيراميك
و حديد عز كمان
و ان الشعب
القاطن بدير النحاس
قصدي الدور الارضي
يعيشون في قحط و فقر و تقشف
في اول المسرحية
نظيرة (الاخصائية الاجتماعية ) تسأل محمد صبحي
- نسبة عجز البصر
- فيرد: 99و 9%
ليه؟
فيجيب
مش ريس العميان
!!!!!!!!!!!!!!!!!!
طب اشمعنة 99,9%
فيجيب
عشان تبقة محبوكة
( ماتنساش ان المسرحية قديمة شوية قبل الانتخابات الحرة النزيهة
سنية (عبلة كامل) اللي بتشوف طشاش
لكن المؤسسة تخليها تعمل عملية عشان تفتح
و بالنسبة لاقرانها هي حتكون عين الحقيقه لهم
الموضوع ده يماثل قضية السفر للخارج للتحصيل العلمي
لافادة البلد و منفعتها
ترجع السنية عشان تشتغل بالدور العلوي للمؤسسة
و توالس
و اقرانها (اللي هم الشعب) ما استفادوش حاجة
ااااااه يا بلد
09:15 Posted in brain storm | Permalink | Comments (6) | Trackbacks (0) | Email this
Trackbacks
The URL to Trackback this post is: http://epitaph-87.blogspirit.com/trackback/843368
Comments
من اول مرة شفتها ع الحقيقة كانت على مسرح الاوبرا اللي في ميدان الاوبرا قبل مايتهد ، وكل مرة أشوفها أكتشف فيها حاجات جديدة ، بس مين ياخد باله زيك.. بالمناسبة وهي ع المسرح نفسها بالظبط في التسجيل التليفزيوني .. وده معناه إن كل كلمة وكل مغزى وراها كان مقصود
Posted by: Ahmed Shokeir | 06/13/2006
جميلة حقا المسرحية
انا اتفرجت عليها كتير و كل مرة الاحظ حاجة بتوصف حالنا
وللحديث بقية
شكرا علي مرورك
و متقطعش الجوابات :))
Posted by: epitaph | 06/13/2006
لينين الرملي عبقري سياسة
و بمناسبة ان كل كلمة زي ما هيه كل كلمة كمان زي ما كتبها لينين الرملي بالظبط في نص المسرحية
لما " قريت المسرحية " اكتشفت ان ( كله مكتوووب ) بالظبط
حتى الافيهات اللي كنت متخيل ان محمد صبحي بيضيفها من عنده اكتشفت انها مكتوبة
و مش في المسرحية دي بس
في كل مسرحيات لينين و صبحي
ما علينا
ارجع و اقول ان لينين الرملي له رؤية خاصة رائعة للواقع المصري و بيقدر انه يقدمه بشكل كوميدي رمزي جميل مش بس سياسة .. لما اتكلم عن الانسان و طباعه و خطاياه في الهمجي كانت رائعة و يمكن محدش كتير مقدر المسرحية دي حق قدرها يعني لحد دلوأتي
كمان مسرحية الحادثة اللي مثلها اشرف عبد الباقي و عبلة كامل - تقريبا محمد صبحي اعتذر عنها - كانت بتتكلم عن لارقابة و القمع و حرية الفكر و حاجات كتير اوي عن طريق شخصية سيكوباتيه اللي هو البطل اللي بيحب بنت فبيخطفها و يحبسها عشان تحبه بحريتها
كمان وضع مشابه كتير للي احنا فيه
الكلام عن لينين مش بيخلص فكفاية كده المرة دي
و تحياتي
Posted by: yehya | 06/20/2006
اتفق معاك في العبقري لينين الرملي
واتذكر مسرحية الحادثة
شاهدتها منذ مدة طوييييييييييييلة
لكن لمسات الرائع لينين
وبصماته
في جميع اعماله
شكرا ع التعليق
يحيي
واهلا بيك
Posted by: epitaph | 06/20/2006
موش معقول انت فعلا رائعة بتحللي صح
وكمان تحياتي للكومديان الشيك الفنان الجميل محمد صبحي
Posted by: maksofa | 07/05/2006
shukran Ya amr..enty lessa beteegy 3al blogspirit lol..manty 3arfa eny 3azlt ..el mohm..enty el ra2e3a ya gameela...we rabna m3aki)))))))
Posted by: epitaph | 07/05/2006